Auto elektrikoak kargatzeko gune berri bat estreinatu du Gorlizek
Gorlizko udalerrian ibilgailu elektrikoak kargatzeko bigarren gune bat inauguratu dute. Instalazioa eta konfigurazioa amaitu ondoren, kargagailua martxan dago jada Aldai kalean, udaletxearen atzean. Birkargatzeko puntu horrek, aparkaleku-eremuko Odieta kalekoak bezala, bi mahuka ditu, eta bi automobil aldi berean kargatzeko aukera ematen du.
Zerbitzua erabiltzeko, beharrezkoa da Recarga Pública Iberdrola aplikazioa izatea, Android eta iOS sistemetarako erabilgarri dagoena. Deskargatu ondoren, karga-puntua mapan aurkitu behar da. Kargagailuan bertan, prozesua errazten duen QR kode bat eskaneatzeko aukera dago. Gero, jarraibideak bete behar dira, eta, eragozpenen edo zalantzaren bat sortuz gero, doako laguntza-zenbakira dei daiteke: 900 929 293. “Emisio gutxiko mugikortasuna bultzatu nahi dugu, bai kutsakorra bai zaratazkoa, eta horrela, gure konpromisoa indartzen dugu, jasangarriagoa eta ingurumena gehiago errespetatuko duen udalerri eredu baten alde”, adierazi du Ekaitz Pau Gorlizko alkateak.
Leave a Reply